Երեւան: Մեդիամաքս: Ադրբեջանի ԱԳՆ մամուլի քարտուղար Այխան Հաջիզադեն հայտարարել է, որ Ֆրանսիայի նախագահ Էմանյուել Մակրոնը փորձում է խաթարել խաղաղ գործընթացը Բաքվի եւ Երեւանի միջեւ։
«Ցավոք, Եվրոպական քաղաքական համայնքի գագաթնաժողովում Էմանյուել Մակրոնի հայտարարությունները, որոնք արդարացնում են Հայաստանի ռազմականացման քաղաքականությունը եւ բացահայտորեն կողմնակալ դիրքորոշում ցուցադրում Ադրբեջանի նկատմամբ, տարածաշրջանում լարվածություն ստեղծելու եւ խաղաղ գործընթացին խոչընդոտելու Ֆրանսիայի փորձերի եւս մեկ վառ օրինակ են»,- ասել է Հաջիզադեն։
«Եվս մեկ անգամ հայտարարում ենք, որ Ֆրանսիայի ջանքերը, որոնք չեն ծառայում խաղաղությանը եւ հանգեցնում են ապակայունացմանը տարածաշրջանում, որեւէ արդյունք չեն տալու»,- ասել է Ադրբեջանի ԱԳՆ մամուլի քարտուղարը։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: