Երեւան: Մեդիամաքս: Հարավային Կովկասում եւ Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Խավիեր Կոլոմինան ասել է, որ Հայաստանը «հստակ որոշում է կայացրել փոխել իր արտաքին քաղաքականությունը եւ հեռանալ Մոսկվայից»։
«Մենք դա ողջունում ենք: Հայաստանի քաղաքացիներն ունեն անկախ որոշումներ կայացնելու իրավունք: Իմ կարծիքով, Հայաստանն արդեն սկսել է մերձենալ մեզ հետ։
Նրանք պահանջում են ավելի շատ համագործակցություն, ավելի շատ քաղաքական երկխոսություն ՆԱՏՕ-ի հետ։ Մենք ողջունում ենք մեր գործընկերների այս որոշումները, որոնք, մեր կարծիքով, նպաստում են տարածաշրջանի կայունացմանը», – ասել է Կոլոմինան Վրաստանի Առաջին հեռուստաալիքին տված հարցազրույցում։
Հյուսիսատլանտյան դաշինքի ներկայացուցիչն ասել է, որ ՆԱՏՕ-ն աջակցում է Հայաստանի եւ Ադրբեջանի միջեւ հարաբերությունների կարգավորման գործընթացին, որը «հիմնարար նշանակություն» ունի Կովկասում կայունության պահպանման համար։
