Երեւան։ Մեդիամաքս։ ԱՄՆ Միջազգային զարգացման գործակալության (USAID) ղեկավարի օգնական Էրին ՄքՔին ասել է, որ «Լաչինի միջանցքի շրջափակումը սթրեսի է ենթարկում Լեռնային Ղարաբաղի քաղաքացիական բնակչությանը»:
ԱՄՆ Կոնգրեսի Ներկայացուցիչների պալատի միջազգային հարաբերությունների կոմիտեի կազմակերպած լսումների ժամանակ Էրին ՄքՔին խոսել է Լաչինի միջանցքի շարունակվող շրջափակման եւ «Հայաստանի տարածք Ադրբեջանի ներխուժումների մասին»:
«Իրավիճակը Լեռնային Ղարաբաղի ներսում շարունակում է մեծապես անհանգստացնել ԱՄՆ Միջազգային զարգացման գործակալությանը եւ միջազգային մարդասիրական հանրույթին: Լաչինի միջանցքի շրջափակումը սթրեսի է ենթարկում Լեռնային Ղարաբաղի քաղաքացիական բնակչությանը` նվազեցնելով էական ծառայությունների եւ բժշկական օգնության հասանելիությունը», - ասել է Էրին ՄքՔին:
