Երեւան: Մեդիամաքս: ՀՀ նախագահ Արմեն Սարգսյանը, հիմք ընդունելով վարչապետի առաջարկությունը, հրամանագիր է ստորագրել Արա Այվազյանին Հայաստանի արտաքին գործերի նախարար նշանակելու մասին:
Ս.թ. հոկտեմբերի 14-ին Արա Այվազյանը նշանակվել էր արտաքին գործերի նախարարի տեղակալ:
Արա Այվազյանը ծնվել է 1969 թվականի մարտի 30-ին Երեւանում, 1993 թվականին ավարտել է ԵՊՀ արեւելագիտության ֆակուլտետի արաբական բաժինը:
ԱԳՆ համակարգում աշխատում է 1994 թվականից:
2016-2020 թթ. եղել է Հայաստանի դեսպանը Մեքսիկայում, 2011-2016թթ․՝ Հայաստանի դեսպանը Լիտվայում:
Ունի արտակարգ եւ լիազոր դեսպանի դիվանագիտական աստիճան։
Ամուսնացած է, ունի մեկ որդի:
