Երեւան: Մեդիամաքս: Բաքուն եւ Մինսկը պայմանագիր են նախապատրաստում՝ բելառուսական ռազմական տեխնիկայի նոր խմբաքանակ Ադրբեջանին մատակարարելու համար:
Ինչպես հաղորդում է ԲԵԼՏԱ գործակալությունը, այդ մասին այսօր Մինսկում հայտարարել է Ադրբեջանի նախագահ Իլհամ Ալիեւը:
Ադրբեջանի եւ Բելառուսի ղեկավարների բանակցությունների արդյունքում Բելառուսի պետական ռազմարդյունաբերական կոմիտեի եւ Ադրբեջանի պաշտպանության նախարարության միջեւ հուշագիր է ստորագրվել:
«Ամենակարճ ժամկետում այն բելառուսական ռազմական տեխնիկայի մեկ այլ խմբաքանակի ձեռքբերման պայմանագրի կվերածվի»,- ասել է Ալիեւը:
Նրա խոսքերով, Ադրբեջանը գոհ է այս բնագավառում Բելառուսի հետ փոխգործակցությունից:
«Մեր երկրների ռազմա-տեխնիկական համագործակցությունը արդեն լավ պատմություն ունի, բավական մեծ ծավալներ եւ ընդլայնման լավ նախադրյալներ»,- հայտարարել է Ալիեւը:
Ադրբեջանի նախագահը նաեւ շնորհակալություն է հայտնել Բելառուսին՝ ԼՂ կարգավորման հարցում ունեցած դիրքորոշման համար:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: