Երեւան: Մեդիամաքս: Միացյալ Նահանգները մեծապես աջակցում է ԵԱՀԿ երեւանյան գրասենյակի գործունեությանը եւ շարունակում է աշխատել գրասենյակի՝ մանդատի վերաբերյալ համաձայնության կայացման հարցի շուրջ:
Այս մասին Մեդիամաքսին ասել են Հայաստանում ԱՄՆ դեսպանատնից։
Հունվարի 12-ին Մեդիամաքսը պատմել էր ԵԱՀԿ երեւանյան գրասենյակի գործունեության հետ կապված խնդիրների մասին, որոնք, մեր տեղեկություններով, առնչվում են Ադրբեջանի հետ:
Հայաստանի ԱԳՆ-ն անուղղակի կերպով հաստատել էր այդ տեղեկությունը:
ԵԱՀԿ-ում ԱՄՆ առաքելության հաղորդակցության հարցերով տնօրեն Ջոնաթան Լելին Մեդիամաքսին ասել է, որ խնդրի վերաբերյալ հունվարի 12-ին ԵԱՀԿ Մշտական խորհրդի նիստում ելույթ է ունեցել կազմակերպությունում ԱՄՆ դեսպան Դենիել Բաերը:
Նա ԵԱՀԿ Գործող նախագահ, Ավստրիայի ԱԳ նախարար Սեբաստիան Կուրցին կոչ է արել այս հարցին հնարավորինս արագ լուծում տալ:
«Ավստրիայի նախագահության առաջիկա կարեւորագույն խնդիրներից մեկը առանձին երկրներում գործող բոլոր դաշտային առաքելությունների մանդատի վերաբերյալ համաձայնության ձեռքբերումն է»,-ասել է Դենիել Բաերը:
Նա հայտնել է, որ «դաշտային առաքելությունների միջոցով է իրականացվում ԵԱՀԿ ամենակարեւոր ամենօրյա աշխատանքը»:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: