Երեւան: Մեդիամաքս: Մեկնարկել են «Այբ» կրթական ավանի տարածքում ավագ դպրոցի նոր մասնաշենքի նախագծման աշխատանքները։
«Այբ» դպրոցի գործադիր տնօրեն Դավիթ Սահակյանը և դանիական BIG (Bjarke Ingels Group) ճարտարապետական կազմակերպության գործընկեր Քեթրին Հուանգը ստորագրել են նոր մասնաշենք նախագծելու պայմանագիրը։
««Այբ»-ում մենք հավատում ենք, որ կրթական միջավայրը պարզապես ֆիզիկական տարածք չէ. այստեղ ճարտարապետական յուրաքանչյուր լուծում պետք է արտացոլի մեր արժեքներն ու գաղափարները։ Նոր մասնաշենքի կառուցումը ոչ միայն կմեծացնի մրցունակ, որակյալ ու նորարար կրթության հնարավորությունները, այլև կկրկնապատկի ավագ դպրոցի աշակերտների թիվը։ Սա նշանակում է, որ, ընտանիքի ֆինանսական կարողություններից անկախ, ավելի շատ երեխա հնարավորություն կունենա ստանալու լավագույն կրթություն. ավագ դպրոցում աշակերտների շուրջ 70%–ը սովորում է բարերարների աջակցությամբ», - ասված է դպրոցի հաղորդագրության մեջ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: