Երեւան: Մեդիամաքս: Երեւանի թատրոնի եւ կինոյի պետական ինստիտուտի կայքում տեղադրվել է անվանի ռուս ռեժիսոր Ալեքսանդր Սոկուրովի արվեստանոցի ընդունելության հայտարարությունը:

Փաստաթղթերի եւ պորտֆոլիոյի ընդունման փուլը մեկնարկում է հունիսի 21-ին եւ կտեւի մինչեւ հուլիսի 25-ը:

Հարցազրույցները եւ ստեղծագործական քննությունները կանցկացվեն օգոստոսի 19-ից 28-ը:

Նախատեսված է 15 տեղ:

Ուսման վարձը տեղացի ուսանողների համար 600 000 ՀՀ դրամ է, օտարերկրյա ուսանողների համար՝ 1 500 000 ՀՀ դրամ։

Դասերի կմեկնարկեն 2024 թվականի սեպտեմբերի 2-ին: Ուսման տեւողությունը՝ 2 տարի, առկա ձեւաչափով:

Դասընթացները կընթանան ռուսերեն՝ համաժամանակյա հայերեն թարգմանությամբ։

Ընդունելության կարգի բոլոր մանրամասները հասանելի են այստեղ՝

https://www.ystfi.am/admissions/masters/sokurov

Հարցերի դեպքում կարող եք կապ հաստատել ինստիտուտի մագիստրատուրայի դեկանատի հետ +37460276382 հեռախոսահամարով: