Երեւան: Մեդիամաքս: Այս տարվա սկզբից Հայաստանում ռուսական ավիաբազայի օդաչուները կատարել են շուրջ 150 ուսումնական թռիչքներ:
«Արդյունքում յուրաքանչյուր օդաչուն օդում անցկացրել միջինում 15 ժամ, ինչը 15 տոկոսով գերազանցում է 2013թ. նույն ժամանակահատվածի ցուցանիշը», - հայտնել են ՌԴ Զինված ուժերի Հարավային ռազմական օկրուգի մամուլի ծառայությունից:
4+ սերնդի МиГ-29 կործանիչների անձնակազմի ուսուցման ընթացքում հիմնականում ուշադրություն է դարձվում ցածր ամպամածության պայմաններում, փոքր բարձրությունների վրա ամպերի առկայության ժամանակ օդանավերի կառավարման տեխնիկայի մշակմանը:
Ակտիվորեն կիրառվում է, այսպես կոչված, «օդային մենամարտերի» անցկացման մեթոդը, որոնց ընթացքում օդային մարտում օդաչուները հայտնաբերում եւ գրավում են թիրախները եւ ֆոտովերահսկողական սարքերի միջոցով արձանագրում դրանց պայմանական պարտությունը:
Տարեսկզբից МиГ-29 կործանիչների օդաչուներն անցկացրել են ավելի քան 50 ուսումնական օդային մարտեր:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: