Երեւան: Մեդիամաքս: Հայաստանում տեղակայված ռուսական 102-րդ ռազմակայանում մեկնարկել են «Наводчик-2» անօդաչու թռչող սարքի /ԱԹՍ/ փորձարկումները:

Ինչպես Մեդիամաքս-ին հայտնել են ՌԴ Զինված ուժերի Հարավային ռազմական օկրուգի մամուլի ծառայությունում, փորձնական թռիչքներ են իրականացվում ցերեկը եւ գիշերը, կլիմայական տարբեր պայմաններում: 

«Անօդաչու համալիրներում տեղադրված նորագույն տեխնիկան թույլ է տալիս հետապնդել միաժամանակ մի քանի թիրախներ, նույնիսկ ամպերի մեջ եւ գիշերը: Կարեւոր գործոն է այդ անօդաչու սարքերի բացարձակ անտեսանելիությունը երկրից: «Наводчик-2» համալիրի կազմում ներառված է «Гранат» ԱԹՍ 4 տեսակ: Այդ համալիրներն ունեն տարբեր թիրախներ, որոնք թույլ են տալիս իրականացնել հետախուզական եւ հատուկ առաջադրանքներ, ունեն թռիչքի երկար տեւողություն ու բարձրություն, ինչը շատ կարեւոր է լեռներում առաջադրանքներ կատարելու տեսանկյունից: Օգտագործման մեջ դրանք պարզ են եւ հուսալի, ունակ են լուծել խնդիրների լայն շրջանակ»,- ասվում է հաղորդագրության մեջ:  

Քամհուդ եւ Ալագյազ ուսումնամարզական համալիրներով կանցկացվեն ցուցադրական մարտավարական վարժանքներ, որոնց ընթացքում կկատարվի նոր տեխնիկայի արդյունավետության ամբողջական գնահատումը: