Երեւան: Մեդիամաքս: ՀՀ ՊՆ Վազգեն Սարգսյանի անվան ռազմական ինստիտուտում այսօր մեկնարկել են Զինված ուժերի ավագ սպայակազմի հրամանատարաշտաբային դասընթացները:
ՊՆ մամուլի ծառայությունից հայտնել են, որ հրամանատարաշտաբային դասընթացների մեկնարկով ՀՀ ԶՈւ անձնակազմի պրոֆեսիոնալ կրթությունը տեղափոխվում է որակական նոր հարթություն:
«Ռազմական ինստիտուտներում, իսկ այնուհետեւ՝ որակավորման բարձրացման կենտրոնում ձեռքբերված գիտելիքների եւ հմտությունների հետագա զարգացումով ապահովվում է ՀՀ ԶՈւ ավագ սպայակազմի բանիմացությունը համազորային, համատեղ, համակողմանի (միջգերատեսչական) եւ բազմազգ օպերատիվ միջավայրերում եւ դրան զուգահեռ՝ ռազմական կառավարման մագիստրոսի որակավորումը», -նշել են պաշտպանական գերատեսչությունում:
Դասընթացների բացման արարողությանը ներկա էին ՀՀ պաշտպանության նախարար Սեյրան Օհանյանը, պաշտպանության նախարարի առաջին տեղակալ Դավիթ Տոնոյանը, ռազմակրթական բարեփոխումներում ՀՀ ՊՆ-ին աջակցություն ցուցաբերած ՆԱՏՕ-ի միջազգային խորհրդատվական խմբի անդամները, Հայաստանում ՌԴ դեսպանության ռազմական կցորդը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: