Երեւան: Մեդիամաքս: Անթալիայի դիվանագիտական ֆորումի շրջանակում հանդիպել են Հայաստանի եւ Թուրքիայի հատուկ բանագնացներ Ռուբեն Ռուբինյանն ու Սերդար Քըլըչը։
«Անթալիայի դիվանագիտական ֆորումի շրջանակում Հայաստան-Թուրքիա կարգավորման գործընթացի վերաբերյալ լավ քննարկում ունեցա Սերդար Քըլըչի հետ»,- X-ում գրել է Հայաստանի հատուկ բանագնաց Ռուբեն Ռուբինյանը:
Մեդիամաքսը նշում է, որ Ռուբեն Ռուբինյանը եւ Սերդար Քըլըչը վերջին անգամ հանդիպել էին 2024 թվականի հուլիսի 30-ին սահմանի Մարգարա-Ալիջան անցման կետում։
Այսօրվա նրանց հանդիպումը թվով վեցերորդն էր:
