Երեւան: Մեդիամաքս: Թուրքիայի արտաքին գործերի նախարար Հաքան Ֆիդանը հայտարարել է, որ Անկարայի եւ Երեւանի միջեւ հարաբերությունները կկարգավորվեն Ադրբեջանի եւ Հայաստանի միջեւ խաղաղության պայմանագիրը կնքելուց հետո։
Ինչպես հաղորդում է ՏԱՍՍ-ը, այս մասին Ֆիդանը ասել է Turkiye թերթին։
Նրա խոսքով, Անկարան Ադրբեջանի եւ Հայաստանի միջեւ խաղաղության ձեռքբերումը համարում է Հարավային Կովկասում կայունության ապահովման կարեւոր տարր։
«Մենք առավելագույն աջակցություն ենք ցուցաբերում պայմանավորվածությունների ձեռքբերմանը եւ ուրախ ենք տեսնել, որ կողմերը մոտենում են դրան։ Սահմանների սահմանազատման վերաբերյալ վերջին որոշումները այս առաջընթացի լավ օրինակ են»,- նշել է Թուրքիայի արտգործնախարարը։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: