Երեւան: Մեդիամաքս: Eurasia Group կազմակերպության եվրոպական տնօրեն Էմրե Պեկերը կարծում է, որ «հայ-թուրքական բանակցությունների ճակատագիրը մեծապես կախված կլինի նրանից, թե Անկարան որքան ճիշտ կկարողանա գնահատել իր հավակնությունները»։
Reuters-ի համար մեկնաբանելով հունվարի 14-ին Մոսկվայում նախատեսված Հայաստանի եւ Թուրքիայի հատուկ ներկայացուցիչների հանդիպումը, Էմրե Պեկերն ասել է.
«Ամենայն հավանականությամբ, բանակցությունները ճանապարհ կհարթեն առաջիկա ամիսներին հետագա քննարկումների համար։ Բայց համապարփակ եւ երկարաժամկետ համաձայնագիր կնքելը դժվար կլինի բանակցությունների բազմակողմանիության եւ երկու երկրներում ներքաղաքական սահմանափակումների պատճառով: Պատմական հաշտեցման թեման էլ ավելի մեծ մարտահրավեր է հանդիսանում»:
