75 տարի առաջ՝ 1950 թվականի ապրիլին, գնդակահարվեց ավիացիայի մարշալ Արմենակ Խանփերյանցը (Սերգեյ Խուդյակովը):



Այս լուսանկարը արվել է 1945 թվականի փետրվարին, երբ ԽՍՀՄ, ԱՄՆ եւ Մեծ Բրիտանիայի ղեկավարները հավաքվել էին Յալթայում՝ հետպատերազմյան աշխարհի քարտեզը կազմելու համար:

Մարշալ Խանֆերյանցը կանգնած է Ստալինի հետեւում եւ մեղմ ժպտում է:

Կոնֆերանսից մեկ ամիս հետո Ստալինը Խանֆերյանցին նշանակեց 12-րդ օդային բանակի հրամանատար: Հետագայում նա Հեռավոր Արեւելքի ռազմական օկրուգի օդադեսանտային ուժերի հրամանատարը դարձավ եւ անմիջականորեն մասնակցեց հատուկ գործողության մշակմանը, որի արդյունքում գերի վերցվեց Ցին կայսրության վերջին կայսր, Մանջու-Գոյի կայսր եւ Մանջուրական կայսերական բանակի Գերագույն հրամանատար Պու Ի-ն:

5 տարի գրության մեջ անցկացնելուց հետո Պու Ի-ն նամակ գրեց Ստալինին եւ հայտնեց, որ բանտում կարդացել է Մարքսի եւ Լենինի աշխատանքները եւ տպավորվել է դրանցից: 1950 թվականին նախկին կայսրին վերադարձրեցին Չինաստան, նույն թվականին գնդակահարեցին Խանփերյանցին: Ճակատագրի հեգնանքի «դասական» օրինակ:

Մարշալի հայրենի գյուղում տեղադրված էր նրա կիսանդրին: Այն այլեւս չկա՝ Արմենակ Խանփերյանցը ծնվել էր Արցախի Հադրութի շրջանի Մեծ Թաղեր գյուղում:

Մեծ Թաղերի մասին «Ձայն Հադրութի» նախագծի շրջանակում 2021 թվականի ապրիլին գրել էր Սոֆիա Հակոբյանը: Թեեւ Հադրութի բնակիչները խոսում էին վերադարձի հույսեր փայփայելու մասին, մենք գիտեինք, որ տեսանելի ապագայում դրանք իրականություն չեն դառնա: Բայց չգիտեինք, որ կորցնելու ենք ամբողջ Արցախը:

Արա Թադեւոսյանը Մեդիամաքսի տնօրենն է: