Մեդիամաքսը պատմում է, թե ինչով կարելի է զբաղվել հանգստյան օրերին:

ՇԱԲԱԹ, ՄԱՅԻՍԻ 26

ժամը 12:00-ին, բարեկարգման երկրորդ փուլից հետո, Երեւանի կենդանաբանական այգին կվերաբացվի այցելուների համար: 

Երեւանի քաղաքապետարանից հայտնել են, որ բնական ու արհեստական ժայռերով ու գետակներով ձեւավորված առյուծների ազատավանդակը 7500 քմ տարածք ունի: 

Գայլերի եւ արջերի նոր ազատավանդակը բաժանվել է երեք հիմնական գոտիների, որի վերին եւ ներքին հատվածներն իրար են կապում կենդանիների անցումները: 

***

Շաբաթ ցերեկը նուրբ ու գեղեցիկ կլինի Խամաճիկների թատրոնում, որտեղ ժամը 12:30-ին կսկսվի «Կարապի լիճը» ներկայացումը՝ Սամսոն Մովսեսյանի բեմադրությամբ:

***

In Art Studio-ն կրկին հրավիրում է կավագործության դասընթացի բրուտագործության անիվով: Կպատրաստվեն օգտագործման համար պիտանի  պարագաներ: Կազմակերպիչները նաեւ գայթակղում են տանը պատրաստված համեղ լիմոնադով:

Դասընթացը կկայանա նաեւ կիրակի օրը, մնում է միայն հարմար ժամ ընտրել եւ գրանցվել՝ զանգահարելով 091 16 69 96 հեռախոսահամարին: 

Մուտքը՝ 2000 դրամ մինչեւ 14 տարեկան անձանց համար եւ 3000 դրամ՝ 15+ տարիքի կավագործերի համար:

***

Ստեղծագործական ցերեկ ունենալուց հետո կարելի է վայելել ուրիշների ստեղծագործական երեկոն: Ժամը 19:00-ին The Beatles Pub-ում ներկայացվելու է «Բոբի Վաթսոն» աբսուրդ դրաման՝ մեկ գործողությամբ:

Տոմսի արժեքը՝ 2000 դրամ: 

***

ԴԱՍ-ում հավաքվելու են միայն սեւ հագած մարդիկ՝ անմոռաց պարելու եւ, միգուցե, սեւ գույնի երանգները քննարկելու համար: Կարող եք միանալ ժամը 21:00-ից սկսած:

***

Բյուրականում շաբաթ օրը Chir’s House Guest Center-ը լուրջ եւ  հետաքրքիր գործ է ձեռնարկելու. թորելու են մրգային օղի՝ բոլոր պատմողական եւ ցուցադրական մանրամասներով եւ դրան հաջորդող գիշերային զբոսանքով:

Սկիզբը՝ 16:00-ին: Մասնակցության արժեքը՝ 2500 դրամ: Գրանցվել կարելի է այս այս հղումով:

***

«Քաղաքից դուրս» ձեւաչափում կա նաեւ մթության մեջ թռչելու առաջարկ՝ Yell Exreme Park-ի կողմից:

Մասնակցության արժեքը 16 000 դրամ է, որը ներառում է երկկողմանի տեղափոխում, երեք ճոպաններով թռիչք եւ գինի:

ԿԻՐԱԿԻ, ՄԱՅԻՍԻ 27

Տիկնիկային թատրոնում կիրակի կեսօրին կհայտնվի «Ոսկե ձկնիկը» եւ կուրախացնի երեք տարեկանից բարձր երեխաներին: Տոմսերի արժեքը՝ 800-1400 դրամ:

***

Գաֆեսճյան արվեստի կենտրոնում շարունակվում է «Արա Հարությունյան. Մոնումենտալ երեւակայում» ցուցահանդեսը` նվիրված քանդակագործի 90-ամյակին:

Ներկայացված է շուրջ 60 աշխատանք: Ցուցահանդեսը կգործի մինչեւ հունիսի 10-ը: 

***

Ժամը 19:00-ին Էօնում փորձելու են ազատվել վատ սովորություններից, ինչպիսիք են, օրինակ՝ սոցկայքեր մտնելը, ծխելը, ուրիշներին մեղադրելը եւ այլն: 

Մասնակցության արժեքը՝ 2 000 դրամ:

Գրանցվել կարելի է այստեղ:

***

Դե, իսկ եթե ձեզ մոտ ամեն ինչ կարգին է, կարող եք գնալ օպերա: Ժամը 19:00-ին Ա. Սպենդիարյանի անվան օպերայի եւ բալետի ազգային ակադեմիական թատրոնում կներկայացվի Ա. Տիգրանյանի «Անուշը»:

Տոմսերի արժեքը՝2 000-15 000 դրամ: 

***

Նույն ժամին Պարոնյանի անվան երաժշտական կոմեդիայի թատրոնում «Ռեւիզոր»-ական երեկո է լինելու՝ըստ Ն. Գոգոլի:

Տոմսերի արժեքը՝1 000-3 000 դրամ: 

***

Կիրակի օրը կարող եք անցկացնել Արցախի ամենաբարձր լեռներից մեկի՝ Մեծ Քիրսի գագաթին: Ճանապարհին սպասվում է այցելություն Խնձորեսկ եւ ծանոթություն Ծիծեռնաքավանքի հետ:

Մանրամասներին շանոթանալու համար զանգահարեք 098 11 18 77

հեռախոսահամարով: 

Աննա Բուբուշյան