ՀՀ էկոնոմիկայի նախարար Վահան Քերոբյանը կարծում է, որ «Հայաստանը պետք է ճիշտ եւ գրագետ համագործակցի Ադրբեջանի հետ»:

Վահան Քերոբյանը «Տնտեսական Կարմիր թել» հաղորդաշարի ընթացքում պատասխանել է Մեդիամաքսի տնօրեն Արա Թադեւոսյանի հարցերին:



Պատասխանելով Հայաստանի հարավում տիրող վիճակի մասին հարցին, նախարարն ասել է.

«Մենք պետք է շատ աշխատենք, օր առաջ հզորանանք, որպեսզի կարողանանք սեփական ուժերով լուծել այն խնդիրները, որոնք կանգնած են մեր երկրի առջեւ: Եթե զբաղվենք միայն մեկ մարդու կամ մի քանի մարդու քննադատությամբ եւ ոչ մի բան չգործարկենք, որպեսզի այս խնդիրները լուծվեն, ոչ մի լավ բան չի լինի»:

Արձագանքելով այն դիտարկմանը, որ անկայուն վիճակը եւ միջպետական սահմանի փակման նախադեպը բացասաբար են անդրադառնում Տաթեւի տուրիստական միջավայրի վրա, Վահան Քերոբյանն ասել է.

«Պետք է փորձել այնպես անել, որ այդ ճանապարհը չփակվի: Խնդիրը պետք է լուծել ոչ թե առճակատման, այլ ճիշտ եւ գրագետ համագործակցելու միջոցով: Իհարկե, Ադրբեջանը մեր թշնամին է, բայց դա չի նշանակում, որ մենք չպետք է համագործակցենք»:

Զրույցի հիմնական թեմաները ներկայացված են ստորեւ.

00:05՝  տուրիզմի ոլորտի ներկա վիճակը

00:36՝  ներքին տուրիզմի զարգացումը եւ ներդրումները ենթակառուցվածքներում

02:38՝  ստանդարտների սահմանումը պետության կողմից

04:04՝  Հայաստան ավելի «թանկ» տուրիստներ ներգրավելու կարիքը

06:10՝  Հայաստան այցելող տուրիստի միջինացված պատկերը եւ հոսքերի դիվերսիֆիկացումը

07:50՝ դեպի Հայաստան ավիատոմսերի թանկությունը եւ ուղիղ չվերթների քանակը ավելացնելու ծրագրերը

09:45՝ տուրիստական ոլորտին աջակցելու տարբերակները,

12:00՝ ֆինանսական ռեսուրսների հասանելիությունը եւ ANIF-ի ներդրումները ռեստորանային ոլորտում

14:10՝ ռեստորանային ոլորտը՝ «շոգեքարշի» դերում

15:43՝ իրավիճակը Հայաստանի հարավում եւ դրա ազդեցությունը տուրիզմի վրա

17:20՝ միջպետական ճանապարհի փակման ազդեցությունը «Տաթեւեր» ճոպանուղու եւ տարածաշրջանի տուրիստական ներուժի վրա

19:30՝ պետության եւ մասնավոր հատվածի համագործակցությունը՝ Արենի գյուղի օրինակով