Մեդիամաքսը ներկայացնում է Հայոց ցեղասպանության 100-րդ տարելիցին նվիրված 100 վայրկյան նախագիծը: Այն հիմնված է Ցեղասպանության ականատեսների վկայությունների վրա` հրատարակված Հայաստանի Ազգային արխիվի կողմից:

Լեւոն Արոնյանը հայ շախմատիստ է:

«100 վայրկյան» նախագծի համար նա կարդացել է հատված Ցեղասպանությունը վերապրած Սաթենիկ Պարունակյանի վկայությունից:



Հայաստանի Ազգային Արխիվ, փաստաթղթերի հավաքածու

Վանի վիլայեթի Վանի շրջանի Արճակի Խարակոնիս գյուղի կոտորածը վերապրած Սաթենիկ Պարունակյանի վկայությունը

1916
Բաքու

Նրանք ստիպեցին բոլորին մտնել գետը եւ անցնել այն: Գետը վարար էր եւ այն տարավ սկեսրոջս: Երկու փոքրիկ երեխաներս իմ գրկում էին, իսկ ավագ դուստրս` տասներկուամյա Վարսենիկը, բռնել էր շրջազգեստիցս. գետը նրան էլ տարավ: Այդ օրը շատ կանայք եւ երեխաներ խեղդվեցին:

Ամենուր դիեր էին` թե՛ գետի ափին, եւ թե՛ ջրի մակերեսին:

Մեր հարեւանի կինը փորձում էր անցնել գետը իր երեք երեխաների հետ: Նրանցից մեկը խեղդվում էր եւ ամուր բռնվեց մորից: Դրությունն անելանելի էր: Հուսահատ մայրը, հանուն մյուս երկու երեխաների փրկության, իր իսկ ձեռքերով երրորդին մղեց ջուրը:

Մենք մի կերպ, սառած ու կապտած, հասանք մյուս ափ: Երեխաներս թաց էին եւ սառած, իսկ ես չէի կարող նրանց տաքացնել: Աղվանը ճանապարհին, հենց ձեռքերիս մեջ մահացավ, ես հուղարկավորեցի նրան: Արճակ հասա միակ փրկված երեխայիս հետ:

Պրոդյուսեր՝ Արա Թադեւոսյան
Նկարահանումը՝ Լենա Գեւորգյան, Մարիամ Լորեցյան
Post Production` «Թումո» ընկերություն

Սաթենիկ Պարունակյանի վկայության աղբյուրը՝ National Archives of Armenia, Armenian Genocide by Ottoman Turkey, 1915, Testimony of survivors, Collection of documents, Yerevan-2013:

Վկայության հայերեն թարգմանությունը՝ Անժելա Կժդրյան:

«100 վայրկյան» նախագծի գլխավոր գործընկերը ՎիվաՍել-ՄՏՍ ընկերությունն է: