Երեւան։ Մեդիամաքս։ Ադրբեջանը դատապարտում է «Ֆրանսիայում հասարակական բողոքի ցույցերի ընթացքում իրավապահների կողմից անհամաչափ ուժի կիրառումը»։
Այս մասին հայտարարել է Ադրբեջանի ԱԳՆ մամուլի քարտուղար Այհան Հաջիզադեն։
Նա Ֆրանսիայի կառավարությանը հորդորել է «հարգել երկրում սահմանադրական իրավունքները»։
«Կարծում ենք, որ Եվրոպայի Խորհուրդը եւ միջազգային իրավապաշտպան կազմակերպությունները պետք է հետաքննեն Ֆրանսիայում ծայրահեղ բռնության դեպքերը եւ պահանջեն համապատասխան միջոցներ ձեռնարկել այս երկրի պարտավորությունների շրջանակում»,- ասել է Հաջիզադեն։
