Երեւան: Մեդիամաքս: ԱՄՆ նախագահ Դոնալդ Թրամփը Թուրքիայի նախագահ Ռեջեփ Էրդողանին հասցեագրված նամակում վերջինիս կոչ է արել «հիմար չլինել» (Dont' be a fool!):
Ամերիկյան լրատվամիջոցները հրապարակել են Թրամփի նամակը Էրդողանին, որը ԱՄՆ նախագահը ուղարկել էր հոկտեմբերի 9-ին, երբ Թուրքիան Սիրիայի տարածքում սկսեց ռազմական գործողությունը քրդերի դեմ:
Նամակը սկսվում է այսպես.
«Հարգելի պարոն նախագահ, եկեք լավ պայմանավորվածության գանք: Դուք պատասխանատու չեք լինի հազարավոր մարդկանց կոտորելու համար, ես էլ պատասխանատու չեմ լինի Թուրքիայի տնտեսությունը ոչնչացնելու համար»:
Եվ ավարտվում է այսպես.
«Պատմությունը բարեհաճ կգտնվի ձեր հանդեպ, եթե դուք սա անեք ճիշտ եւ մարդասիրական ձեւով: Ւսկ եթե լավ բաներ տեղի չունենան, դուք պատմության մեջ ընդմիշտ կմնաք որպես սատանա: Մի՛ եղեք կոշտ տղա: Մի՛ եղեք հիմար: Ես ձեզ ավելի ուշ կզանգեմ»:
