Ամերիկյան թերթերը լույս են տեսել Free Armenian Hostages պաստառներով - Mediamax.am

exclusive
765 դիտում

Ամերիկյան թերթերը լույս են տեսել Free Armenian Hostages պաստառներով


Լուսանկարը`


Երեւան: Մեդիամաքս: Ամերիկյան The Hill եւ Politico թերթերը լույս են տեսել Free Armenian Hostages held in Azerbaijan պաստառներով:

Նախաձեռնության հեղինակը Ամերիկայի Հայկական համագումարն է:

 

Պաստառների վրա տեղադրված QR կոդի վրա հեռախոսը պահելով ընթերցողները տեղափոխվում են https://action.aaainc.org/ էջ, որտեղ կարող են «մեկ քլիքով» նամակ ուղարկել իրենց կոնգրեսականին՝ պահանջելով հասնել Ադրբեջանում պահվող հայ գերիների ազատ արձակմանը:

 

Ռուբեն Վարդանյանի միջազզային պաշտպան Ջարեդ Գենսերն ասել է, որ Բաքվում պահվող հայ գերիների ազատ արձակումը ԱՄՆ նոր վարչակազմի համար «առաջնահերթ խնդիր է»:

 

«Մեզ ասվել է, որ նրանց ազատությունը պետք է լինի նախապայման, որպեսզի նախագահ Թրամփը վերջնական աջակցություն հայտնի խաղաղության պայմանագրին», - ասել է Գենսերը Catholic News Agency-ի հետ զրույցում:

 

«Կարծում եմ` դա իսկապես կարևոր զարգացում է, քանի որ մեր ամենամեծ մտավախությունն այն էր, որ եթե խաղաղության գործընթացը շարունակվի՝ առանց հաշվի առնելու  Լեռնային Ղարաբաղի կամ հայ քրիստոնյա գերիների հարցի լուծումը, ապա դժբախտաբար, դա կարող է հանգեցնել այդ բանտարկյալների զոհաբերմանը՝ որպես այդ համաձայնության մի մաս», - նշել էր փաստաբանը:

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:




Մեր ընտրանին