Երեւան: Մեդիամաքս: Մեկնարկել է Մեդիամաքս մեդիա ընկերության հրատարակած «ՎԱՆՈՆ ու ՎԱԶԳԵՆԸ. Երկու ընկերոջ կյանքն ու ողբերգությունը» գրքի չորրորդ տպաքանակի վաճառքը:

Գրքի վաճառքը մեկնարկել էր 2024թ. հոկտեմբերի 21-ին՝ առաջին տպաքանակը սպառվել էր երեք շաբաթվա ընթացքում, երկրորդ տպաքանակը՝ նոյեմբերի վերջում: 2025թ. փետրվարին սպառվել էր երրորդ տպաքանակը:

Փետրվարի 21-ին «ՎԱՆՈՆ ՈՒ ՎԱԶԳԵՆԸ. Երկու ընկերոջ կյանքն ու ողբերգությունը» գիրքն արժանացավ Արմենպրեսի «Տարվա փաստավավերագրական բեսթսելեր» մրցանակին:

Գիրքը հասանելի է «Բուկինիստ», «Զանգակ», «Էպիգրաֆ» գրախանութների ցանցերում, նաեւ այլ գրախանութներում:

«ՎԱՆՈՆ ու ՎԱԶԳԵՆԸ. Երկու ընկերոջ կյանքն ու ողբերգությունը» գիրքը նաեւ կարելի է ձեռք բերել առցանց Մեդիամաքսի կայքի միջոցով այս հղումով.

https://premium.mediamax.am/am/books/vano_vazgen

Այս եղանակով գնելու դեպքում գիրքը կարող եք վերցնել Մեդիամաքսի գրասենյակից Երեւանի կենտրոնում կամ պատվիրել առաքում:

Գիրքն արժե 5 800 դրամ:

«ՎԱՆՈՆ ու ՎԱԶԳԵՆԸ. Երկու ընկերոջ կյանքն ու ողբերգությունը» գիրքը պատմում է Երրորդ Հանրապետության հիմնադիր հայրերից երկուսի մասին: Շատ փաստեր եւ վկայություններ ներկայացված են առաջին անգամ՝ թույլ տալով ավելի լավ հասկանալ Վանո Սիրադեղյանի եւ Վազգեն Սարգսյանի հարաբերությունները տարբեր ժամանակաշրջաններում:

Հեղինակները զերծ են մնում եզրակացություններից՝ վստահ լինելով, որ ներկայացվող նյութը ընթերցողներին հնարավորություն կտա սեփական գնահատականներն անել:

Գիրքը նաեւ բազմաթիվ դրվագներ է ներկայացնում Հայաստանի նորագույն պատմությունից, որոնք կարեւոր են այսօրվա իրողությունները հասկանալու համար: