Երեւան: Մեդիամաքս: Հայկական Backbone Branding ընկերությունն աշխարհում դիզայնի ոլորտի «Օսկար» համարվող Pentawards մրցանակաբաշխությունից վերադարձել է 10 մրցանակով՝ 1 պլատինե, 4 ոսկե, 2 արծաթե և 3 բրոնզե:
26 անվանակարգում Backbone Branding-ի ներկայացված 16 աշխատանքից 10-ն արժանացել են պարգևի: Պլատինե մրցանակը «unHIDE» ապրանքանիշի համար ստացվել է «Պրոֆեսիոնալ կոնցեպտ» անվանակարգում:
«Այս տարի Pentawards մրցանակաբաշխությանը Backbone Branding-ը պահպանեց գերազանցության իր դիրքը, ինչն արդեն գնահատվել էր Pentawards-ի պատմության մեջ դեռ միայն մեկ անգամ և հենց մեզ տրված բացառիկ 'Core Award մրցանակով»,-ասել է ընկերության հիմնադիր Ստեփան Ազարյանը: Նրա խոսքերով, երկու տարի անընդմեջ տարվա գործակալության կոչմանն արժանանալը վկայում է Backbone Branding-ի սահմաններ չճանաչող և կայուն ազդեցություն գործող ստեղծարարության ուժի մասին:
