Երեւան։ Մեդիամաքս։ 90 տարեկան հասակում Լոս Անջելեսում կյանքից հեռացել է պատմաբան Ռիչարդ Հովհաննիսյանը։
Այդ մասին հայտնում է Ռազմավարական եւ ազգային հետազոտությունների հայկական կենտրոնը:
Ռիչարդ Հովհաննիսյանը Կալիֆորնիայի պետական համալսարանի Արդի հայոց պատմության ամբիոնի հիմնադիրն ու առաջին վարիչն էր:
Նա «Հայաստանի Հանրապետություն» քառահատոր աշխատության եւ Հայոց ցեղասպանության ու պատմական հայրենիքի վերաբերյալ բազմաթիվ գրքերի հեղինակ է:
Ռիչարդ Հովհաննիսյանը Հայաստանի առաջին արտաքին գործերի նախարար Րաֆֆի Հովհաննիսյանի հայրն է:
