Երեւան: Մեդիամաքս: ՀՀ մշակույթի նախարար Հասմիկ Պողոսյանն այսօր կարծիք է հայտնել, որ “Եվրատեսիլ-2012”-ում Հայաստանը կարող է լավագույնս ներկայացնել “Դորիանս” խումբը:
Ինչպես հաղորդում է Մեդիամաքս-ը, խոսելով Բաքվում կայանալիք մրցույթին Հայաստանի մասնակցության մասին, նախարարն ասել է, որ «Հայաստանն անպայման պետք է մասնակցի “Եվրատեսիլին”»:
“Մենք պետք է բոլոր ձեւաչափերով, բոլոր հարթակներում հնարավորինս շատ մասնակցենք: Անկախ արդյունքներից, մասնակցությունն օգուտ է լինելու”, - ասել է Հասմիկ Պողոսյանը:
Մեդիամաքս-ը հիշեցնում է, որ Հայաստանը դեռ չի հրապարակել այն կատարողի ու երգի անունները, որոնք ներկայացնելու են մեր երկիրը Բաքվում:
