Երեւան: Մեդիամաքս: ՀՀ առողջապահության նախարար Արսեն Թորոսյանն այսօր ասել է, որ «կորոնավիրուսով վարակվածների ցուցանիշը իջեցնելու իրական հնարավորությունը մնում է ուժի մեջ»:
Նախարարի խոսքով՝ կորոնավիրուսային հիվանդությամբ զբաղվող բուժհաստատաություններում բավականին թեթեւ վիճակ է՝ թե սովորական, թե ռեանիմացիոն մահճակալների առումով:
«Փոքր տեմպով, բայց նվազում է նաեւ ծանր եւ ծայրահեղ ծանր պացիենտների ցուցանիշը, որն այս պահին տատանվում է 300-ի շրջանակում»,- ասել է նախարարը:
Արսեն Թորոսյանը հավելել է, որ հաղթահարման փուլը շարունակվում է:
