Երեւան: Մեդիամաքս: Այսօրվանից Հայաստանում մեկնարկում է «Սերունդ առանց սահմանների» (GenU) մրցույթը։

GenU-ն նախաձեռնել է ՅՈՒՆԻՍԵՖ-ի եւ ՄԱԿ-ի Զարգացման ծրագիրը, մրցույթին միացել են նաեւ UWC Dilijan քոլեջը եւ «Այբ» կրթական հիմնադրամը: 

GenU-ն համաշխարհային համագործակցություն է, որի նպատակը 10-ից 24 տարեկան երեխաների եւ երիտասարդների համար կրթության, վերապատրաստման եւ զբաղվածության՝ ընդլայնված հնարավորություններ ստեղծելն է։

Առցանց ձեւաչափով մրցույթին մասնակցում է 12 թիմ՝ 50 երիտասարդ Շիրակից, Վայոց ձորից, Կոտայքից, Տավուշից, Գեղարքունիքից եւ Երեւանից։

Մայիսի 24-ին մասնակից թիմերը կներկայացնեն իրենց նախագծերը ժյուրիի դատին։ 

Հինգ լավագույն թիմերը կստանան 1000-ական ԱՄՆ դոլարի դրամաշնորհ՝ 2020 թվականի երկրորդ կեսին իրենց ծրագրերն իրականացնելու համար: 

Մրցույթի երկրորդ փուլում առավել հեռանկարային երկու լուծումները կներկայացվեն համաշխարհային մրցույթին, որը տեղի կունենա ԱՄՆ-ում: 

Հայաստանի մասնակիցները կմրցեն այլ երկրների թիմերի հետ՝ մինչեւ 20 000 ԱՄՆ դոլարի դրամաշնորհ ստանալու եւ գաղափարների ինկուբատոր ծրագրին մասնակցելու հնարավորության համար։