Երեւան: Մեդիամաքս: «Ինտելեկտուալ Ռենեսանս» հիմնադրամի «Սարոյան Հաուս» նախագծի շրջանակներում մեկնարկել են Վիլյամ Սարոյանի Ֆրեզնոյի տուն-թանգարանի շինարարական աշխատանքները:
Հիմնադրամը գրողի տունը ձեռք էր բերել 2016 թվականին եւ շուրջ մեկ տարի զբաղվում էր Վիլյամ Սարոյանի կյանքի ու ստեղծագործության ուսումնասիրությամբ, «Ստորակետ» ճարտարապետական ստուդիայի հետ համատեղ զբաղվում էր տուն-թանգարանի կոնցեպտի մշակմամբ:
Աշխատանքները սկսվել են տան էքստերերի վերականգնումից:
Վիլյամ Սարոյանի տուն-թանգարանի բացումը նախատեսվում է իրականացնել 2018 թ. օգոստոսի 31-ին՝ գրողի ծննդյան 110 ամյակին:
