Երեւան: Մեդիամաքս: ՀՀ նախագահ Սերժ Սարգսյանը ցավակցական հեռագիր է հղել Բրազիլիայի նախագահ Միշել Տեմերին՝ Կոլումբիայի Մեդելին քաղաքի մերձակայքում տեղի ունեցած ինքնաթիռի վթարի կապակցությամբ, որը տասնյակ զոհերի պատճառ է դարձել։
Սերժ Սարգսյանը վշտակցություն եւ զորակցություն է հայտնել Միշել Տեմերին, բարեկամ Բրազիլիայի ժողովրդին եւ զոհվածների հարազատներին՝ մաղթելով ոգու արիություն եւ համբերություն: Փաստը, որ ողբերգական վթարից փրկվածներ կան, ըստ ՀՀ նախագահի, արդեն իսկ առաջ նայելու ուժ է պարգեւում:
