Երեւան: Մեդիամաքս: Ռուսաստանցի բեյսջամփերները մարզումներ են անցկացրել Հայաստանում՝ «Տաթեւեր» ճոպանուղու վրա:
Բեյսջամփերները թռիչքներ են կատարում, օգտագործելով անշարժ օբյեկտներից թռչելու համար նախատեսված հատուկ պարաշյուտները: Այս էքստրեմալ մարզաձեւը համարվում է ամենառիսկայիններից մեկը:
«Տաթեւեր» ճոպանուղու վրա՝ 350 մ բարձրությունից, փորձնական թռիչքներ են կատարել 8 ռուսաստանցի բեյսջամփերներ Գլեբ Վորեւոդինի գլխավորությամբ:
Երկու օրվա ընթացքում բեյսջամփերները կատարել են 35 թռիչք:
Ներկայում քննարկվում է 2016 թ. ամռանը Տաթեւում բեյսջամփինգի փառատոն անցկացնելու հնարավորությունը:
