Երեւան: Մեդիամաքս: ՀՀ էներգետիկայի եւ բնական պաշարների նախկին նախարար, նախագահի խորհրդական Արմեն Մովսիսյանը սեպտեմբերի 21-ին մահացել է:
Լուրը Մեդիամաքսի հետ զրույցում հաստատել են Հանրապետական կուսակցության գրասենյակից:
Ըստ տարածված լուրերի՝ Արմեն Մովսիսյանը մահացել է Գերմանիայում: Ավելի վաղ նրա մոտ հայտնաբերվել էր քաղցկեղ:
Արմեն Մովսիսյանը ծնվել էր 1962թ. հունվարի 13-ին Կապան քաղաքում։
1998-2000 թթ. «Հարավային էլեկտրացանց»-ում զբաղեցրել է գործադիր տնօրենի պաշտոնը:
2000-2001 թթ. եղել է ՀՀ էներգետիկայի փոխնախարար, 2001թ. հուլիս-դեկտեմբերին՝ Ջրային տնտեսության պետական կոմիտեում նախագահի տեղակալ:
2001թ. ապրիլի 18-ից 2014թ. ապրիլի 30-ը զբաղեցրել է ՀՀ էներգետիկայի եւ բնական պաշարների նախարարի պաշտոնը:
2014թ. մայիսի 7-ին նշանակվել է ՀՀ նախագահի խորհրդական։
Արմեն Մովսիսյանը տեխնիկական գիտությունների թեկնածու էր, անդամակցում էր ՀՀԿ-ին:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: