Հռոմի Ֆրանցիսկոս պապը Վատիկանի Սուրբ Պետրոս տաճարում Հայոց Ցեղասպանության 100-րդ տարելիցին նվիրված հատուկ պատարագի ժամանակ ասել է, որ հայերի կոտորածները “20-րդ դարի առաջին ցեղասպանությունն է”:
“Չարիքի կոծկումը կամ դրա ժխտումը նման է առանց վիրակապի բաց վերքի, որը շարունակում է արյունահոսել”,- ասել է Հռոմի Պապը պատարագի սկզբին, փոխանցում է Associated Press-ը:
Նույն աղբյուրի փոխանցմամբ, Վատիկանում Թուրքիայի դեսպանը հետաձգել է այսօր կայանալիք իր մամուլի ասուլիսը ՝ տեղեկանալով, որ Հռոմի Պապը օգտագործել է “ցեղասպանություն” բառը:
