Երեւան: Մեդիամաքս: Թուրքիայի արտգործնախարար Հաքան Ֆիդանն այսօր ասել է, որ Ադրբեջանի եւ Հայաստանի միջեւ խաղաղության կնքումը նոր հնարավորություններ կստեղծի տարածաշրջանում։
Ինչպես հաղորդում է Trend-ը, լրատվամիջոցների հետ զրույցում Հաքան Ֆիդանը նշել է՝ «պատմական պատուհան է բացվել տարածաշրջանում կայունության եւ խաղաղության համար»։
«Թուրքիան, ուս ուսի տված, կանգնած է Ադրբեջանի կողքին: Մենք հուսով ենք, որ Հայաստանը կգործի երկարաժամկետ ռազմավարական հեռանկարով: Շարունակում ենք աջակցել կողմերի միջեւ երկկողմ բանակցություններին, որոնք ընթանում են առանց միջնորդների: Թուրքիան աջակցում է Ադրբեջանի նախագահ Իլհամ Ալիեւի վճռական քայլերին՝ ուղղված տարածաշրջանում խաղաղության հաստատմանը։ Այս ուղղությամբ որոշակի քայլեր է ձեռնարկում նաեւ Հայաստանի վարչապետ Նիկոլ Փաշինյանը»,- ասել է Թուրքիայի արտգործնախարարը:
Նա նշել է, որ մնացել է միայն մի քանի կետ, որոնք պետք է համաձայնեցվեն խաղաղության համաձայնագրում.
«Պետք է վերջնական տեսքի բերել համաձայնագիրը եւ ստորագրել: Հուսով ենք՝ 2025 թվականին կայուն խաղաղություն ձեռք կբերվի եւ տարածաշրջանը կբարգավաճի»:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: