Երեւան: Մեդիամաքս: Այսօր ԿԸՀ-ում տեղի ունեցած արտահերթ նիստում կազմվել է մայիսի 5-ի քվեարկության նախնական արդյունքների արձանագրությունը, որի համաձայն հաղթանակ է տարել Հայաստանի Հանրապետական կուսակցությունը՝ ստանալով ձայների 55.86%-ը:

Արձանագրության համաձայն, ՀՀԿ-ի օգտին քվեարկել է 235 512 ընտրող:

2-րդ տեղում «Բարգավաճ Հայաստան» կուսակցությունն է՝ 97 189 ընտրող, կամ 23.05%:

Մյուս քաղաքական ուժերն արձանագրել են հետեւյալ արդյունքները.

«Բարեւ Երեւան» դաշինք՝ 35 738 ընտրող, կամ 8.47%,

Հայ Ազգային Կոնգրես՝ 18 499 ընտրող, կամ 4.39%,

Դաշնակցություն՝ 15 999 ընտրող, կամ 3.79%-ը,

«Օրինաց Երկիր» կուսակցությունը՝ 15 733 ընտրող, կամ 3.73%,

«Առաքելություն» կուսակցություն՝ 2 692 ընտրող կամ 0.64%:

Քվեարկությանը մասնակցել է 437 312 ընտրող, կամ երեւանցի ընտրողների 53,55%-ը:

Անվավեր քվեաթերթիկների թիվը կազմել է 15 250:

Այսպիսով, Երեւանի Ավագանիում ներկայացված կլինեն ՀՀԿ-ն, ԲՀԿ-ն եւ “Բարեւ Երեւան”-ը: