Երեւան։ Մեդիամաքս։ Հայաստանի ԱԽ քարտուղար Արմեն Գրիգորյանն այսօր ասել է, որ ԵՄ նոր քաղաքացիական մշտադիտարկման առաքելությունը կնպաստի տարածաշրջանում կայունության եւ խաղաղության հաստատմանը:
Այս մասին նա ասել է ԵՄ արտաքին գործողությունների ծառայության քաղաքացիական գործողությունների հրամանատար Ստեֆանո Տոմատի գլխավորած պատվիրակության հետ հանդիպմանը:
ԱԽ գրասենյակից հայտնել են, որ Ստեֆանո Տոմատը շնորհակալություն է հայտնել հայկական կողմին ԵՄ քաղաքացիական առաքելությանը ցուցաբերած աջակցության համար եւ ներկայացրել Հայաստանում իրենց կողմից իրականացվելիք աշխատանքները:
