Երեւան: Մեդիամաքս: ՀՀ նախագահ Արմեն Սարգսյանի գլխավորած պատվիրակությունն այսօր աշխատանքային այցով մեկնել է Բելառուս՝ մասնակցելու Մինսկում կայանալիք Մյունխենի անվտանգության համաժողովի (Munich Security Conference) Հիմնական խմբի (MSC Core Group) հանդիպմանը:
Նախագահի մամուլի ծառայությունում նշել են, որ Մյունխենի անվտանգության համաժողովի հիմնական խմբի ուշադրության կենտրոնում ավանդաբար լինում է հյուրընկալող տարածաշրջանի անվտանգության քաղաքականությունը:
Հանդիպմանը մասնակցելու են նաեւ ԵԱՀԿ-ի, ՆԱՏՕ-ի, Եվրամիության ղեկավար անձինք:
Օրակարգային հարցերը վերաբերելու են Արեւելք-Արեւմուտք փոխհարաբերություններին, տարածաշրջանային հակամարտություններին, Մինսկի գործընթացին, ինչպես նաեւ Արեւելյան Եվրոպայում տնտեսական իրավիճակին:
Նախատեսվում է Արմեն Սարգսյանի հանդիպումը Բելառուսի նախագահ Ալեքսանդր Լուկաշենկոյի հետ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: