Երեւան: Մեդիամաքս: «Հայկական Փի Ար ասոցիացիա» գիտատեղեկատվական հասարակական կազմակերպությունն այսօր պարգեւատրել է «Հայկական PR մրցանակաբաշխութուն-2016»-ի հաղթողներին՝ 13 անվանակարգերում:
Մեդիամաքս մեդիա-ընկերությունը ճանաչվել է «Տարվա ԶԼՄ» ` 2015-ին իրականացրած հատուկ նախագծերի համար:
Մրցանակը ստացել է Մեդիամաքսի գլխավոր խմբագիր Դավիթ Ալավերդյանը:
«Հայկական Փի Ար ասոցիացիա» գիտատեղեկատվական հասարակական կազմակերպության նախագահ Աստղիկ Ավետիսյանն ասել է, որ մրցանակաբաշխությունը միտված է Հայաստանում հանրային կապերի ոլորտի աշխուժացմանը:
Մրցանակաբաշխության գլխավոր գործընկերը Beeline ընկերությունն է:
Մրցանակակիրները ընտրվել են հանրային կապերի ոլորտում իրականացված ուսումնասիրությունների արդյունքում, որոնց մասնակցել է 50 փորձագետ, 50 խմբագիր եւ լրագրող, 7 ֆոկուս-խումբ:
Հիշեցնենք, որ 2015 թվականի ապրիլին Mediamax.am կայքն արժանացել էր ArmNet Awards 2015 մրցանակաբախշության գլխավոր մրցանակին՝ հաղթող ճանաչվելով նաեւ ArmNet-ի «Բովանդակություն» անվանակարգում:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: