Երեւան։ Մեդիամաքս։ ԱՄՆ պետքարտուղար Էնթոնի Բլինքենն ընդգծել է ամերիկա-թուրքական հարաբերությունների կարեւորությունը Թուրքիայի արտգործնախարար Հաքան Ֆիդանի հետ հանդիպմանը, որը տեղի է ունեցել ՄԱԿ-ի Գլխավոր վեհաժողովի նիստի շրջանակներում։
«Էնթոնի Բլինքենը շնորհակալություն է հայտնել Թուրքիային Սեւծովյան հացահատիկային նախաձեռնության վերականգնմանը ուղղված ջանքերի համար եւ կոչ է արել աջակցել ռազմական գործողությունները դադարեցնելու եւ Լեռնային Ղարաբաղում հումանիտար իրավիճակի վատթարացումը կանխելու ջանքերին», - ասվում է ԱՄՆ Պետդեպարտամենտի հաղորդագրության մեջ:
