Երեւան: Մեդիամաքս: Լեռնային Ղարաբաղում Էրդողանի ներգրավման պատճառներից մեկը Թուրքիայում խորացող տնտեսական ճգնաժամն է:
Նման կարծիք է հայտնել գերմանական «Ֆիդրիխ Էբերտ» հիմնադրամի Թուրքիայի գրասենյակի ղեկավար Ֆելիքս Շմիդտը:
«Էրդողանը հույս ունի, որ հերթական արտաքին կամպանիան կօգնի միավորել մարդկանց իր շուրջ եւ կշեղի թուրքերի ուշադրությունը իրենց համաքաղաքացիների աղքատացման փաստից: Եվ Էրդողանը հասնում է այդ նպատակին՝ Կովկասի հակամարտությունը Թուրքիայում ազգայնականության վերելքի է բերել», - ասել է փորձագետը:
Ֆելիքս Շմիդտը «չափազանց խնդրահարույց» է որակել Թուրքիայի պնդումներն այն մասին, որ պատերազմը սկսել են հայերը՝ նշելով, որ ստատուս-քվոյի փոփոխությունը չի բխում Հայաստանի շահերից:
