Երեւան: Մեդիամաքս: ԼՂՀ նախագահ Բակո Սահակյանն այսօր ասել է, որ Ստեփանակերտի օդանավակայանի վերաշահագործումը Արցախի կողմից չի կարող ընկալվել որպես ստատուս-քվոյի վերանայման կամ դրա հետ կապված որոշում:
Այս մասին ԼՂՀ նախագահն ասել է Ստեփանակերտում կայացած մամուլի ասուլիսում:
«Մենք օդանավակայանի վերաշահագործման աշխատանքները սկսել ենք այլ նպատակներից ելնելով եւ, ինչպես մեր շատ նախաձեռնություններ, այս մեկը եւս Ադրբեջանի հիստերիկ պահվածքի պատճառով ընդհատվել է»,- ասել է նա:
Բակո Սահակայանը նշել է, որ «Արցախն իր պահանջները ներկայացնելուց միշտ ակնկալում է, որ միջազգային հանրության կողմից չճանաչված լինելը չպետք է խոչընդոտ հանդիսանա հումանիտար մի շարք ուղղություններում նվազագույն պայմաններ ունենալուն»:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: