Երեւան/Մեդիամաքս/․ Ադրբեջանի պաշտպանության նախարարությունն այսօր հայտնել է, որ Ադրբեջանը միակողմանի կարգով դադարեցնում է Արցախի հետ շփման գծում ռազմական գործողությունները:
Ադրբեջանի ՊՆ-ում նշել են, որ Բաքուն գնում է այս քայլին՝ «նկատի առնելով միջազգային կառույցների դիմումները»:
Մեդիամաքսը դիմել է ՀՀ ՊՆ մամուլի խոսնակ Արծրուն Հովհաննիսյանին՝ մեկնաբանելու այս տեղեկատվությունը, սակայն դեռեւս հաստատում կամ հերքում չի ստացել:
Այսօր առավոտյան ՊԲ ստորաբաժանումները անցել են հակազդիչ գործողությունների եւ Թալիշի ուղղությամբ տիրել նախօրյակին ադրբեջանական ուժերի կողմից գրավված մարտավարական կարեւոր նշանակության հենակետին: Թշնամին զգալի կորուստներ կրելով հետ է շպրտվել:
Հարավային թեւում գործող ՊԲ ստորաբաժանումները շարքից հանել են թշնամական 2 տանկ եւ 1 հետեւակի մարտական մեքենա:
