Երեւան: Մեդիամաքս: Այս գիշեր՝ ժամը 03:55-ի սահմաններում, ԼՂՀ Պաշտպանության բանակի հարավային ուղղությամբ տեղակայված զորամասերից մեկում հակառակորդի արձակած կրակոցից մահացու հրազենային վիրավորում է ստացել ՊԲ զինծառայող Սիմոն Ճավրշյանը (ծնված 1996թ.):
Դեպքի մանրամասները պարզելու համար կատարվում է քննություն:
Պաշտպանության բանակում նշել են, որ այս գիշեր ղարաբաղա-ադրբեջանական հակամարտ զորքերի շփման գծում արձանագրվել է լարվածության նկատելի աճ:
Ադրբեջանական զինուժը տարբեր տրամաչափի հրաձգային զինատեսակներից հայկական դիրքերի ուղղությամբ արձակել է շուրջ 1500 կրակոց:
