Երեւան: Մեդիամաքս: Իրանում Հայաստանի դեսպան Գրիգոր Հակոբյանն այսօր իր հավատարմագրերն է հանձնել երկրի նախագահ Մասուդ Փեզեշքիանին:

ԱԳՆ-ից հայտնում են, որ հանդիպմանը զրուցակիցներն անդրադարձել են Հայաստան-Իրան հարաբերությունների օրակարգին՝ կարեւորելով փոխադարձ հարգանքի ու վստահության վրա խարսխված համագործակցության առավել զարգացումն ու խորացումը:

Գրիգոր Հակոբյանը վերահաստատել է բարեկամ Իրանի հետ հարաբերությունները բոլոր ուղղություններով խորացնելու ՀՀ կառավարության պատրաստակամությունը: