Երեւան: Մեդիամաքս: Հայաստանի վարչապետ Նիկոլ Փաշինյանը, Եվրոպական հանձնաժողովի նախագահ Ուրսուլա Ֆոն դեր Լայենը եւ ԱՄՆ պետքարտուղար Էնթոնի Բլինքենը ապրիլի 5-ին հանդիպելու են Բրյուսելում:

Արմենպրեսի հետ զրույցում Հայաստանի անվտանգության խորհրդի քարտուղար Արմեն Գրիգորյանն ասել է, որ հանդիպման ժամանակ քննարկվելու են Հայաստանի զարգացմանը նպաստող եռակողմ համագործակցության ուղիները։

«Միջոցառումը նաեւ նպատակ ունի ամրապնդել Հայաստանի դիմակայունությունը: Մոտակա շրջանում միջոցառման մասին ավելի մանրամասն խոսելու հնարավորություն կլինի», - ավելացրել է Գրիգորյանը: