Երեւան: Մեդիամաքս: Հայաստանի եւ Ռուսաստանի արտգործնախարարներ Արարատ Միրզոյանը եւ Սերգեյ Լավրովը քննարկել են երկկողմ եւ տարածաշրջանային օրակարգի ընթացիկ հարցեր:
«Մարտի 5-ին տեղի ունեցած հեռախոսազրույցի ընթացքում արտաքին հարաբերությունների գերատեսչությունների ղեկավարները քննարկել են տարածաշրջանային հարցեր, այդ թվում՝ հայ-ադրբեջանական հարաբերությունների կարգավորման գործընթացը, ինչպես նաեւ փոխգործակցությունն ընդհանուր ինտեգրացիոն միավորումների շրջանակում»,- ասված է Ռուսաստանի ԱԳՆ հաղորդագրությունում։
Ըստ ՀՀ ԱԳՆ հաղորդագրության՝ հեռախոսազրույցը կայացել է ռուսական կողմի նախաձեռնությամբ:
