Երեւան: Մեդիամաքս: Ռուսաստանի ԱԳ նախարար Սերգեյ Լավրովն ասել է, որ Արեւմուտքը Ռուսաստանի հարեւանների նկատմամբ վարում է «բաժանիր, որ տիրես» քաղաքականությունը, եւ «դա հատկապես ակնհայտ է մեր հայ բարեկամների օրինակով»։
««Բաժանիր, որ տիրես» սկզբունքը հետխորհրդային դարաշրջանի հենց սկզբից սկսեց սեպի պես խրվել Ռուսաստանի եւ նրա հարեւանների հարաբերություններում։ Մինչ օրս Արեւմուտքը նույն քաղաքականությունն է վարում։ Դա երեւում է ե՛ւ Կենտրոնական Ասիայում, ե՛ւ Անդրկովկասում (հատկապես մեր հայ բարեկամների օրինակով), եւ նախկին ԽՍՀՄ եվրոպական մասում՝ Ուկրաինա, Մոլդովա, Բելառուս»,- ասել է Լավրովը Սոչիում՝ պատասխանելով «Ռուսաստանը եւ նրա դերը բազմաբեւեռ աշխարհի ձեւավորման գործում» քննարկման մասնակիցների հարցերին։
