Երեւան: Մեդիամաքս: ՀՀ ԱԳՆ մամուլի քարտուղար Վահան Հունանյանն ասել է, որ Հայաստանը բարձր է գնահատում Շուշի այցելելու Ադրբեջանի կառավարության հրավերը մերժած Ֆրանսիայի եւ ԱՄՆ դեսպանների դիրքորոշումը:
Այդ մասին նա ասել է «Արմենպրես»-ի հետ զրույցում:
«Վերահաստատում ենք մեր դիրքորոշումը Լեռնային Ղարաբաղ միակողմանի այցերի անընդունելիության վերաբերյալ: Համոզված ենք, որ Լեռնային Ղարաբաղի բնակչությունը պետք է ներգրավված լինի միջազգային համագործակցության եւ աջակցության ծրագրերում:
Բարձր ենք գնահատում այն երկրների դիրքորոշումը, որոնք խորքային պատկերացում ունենալով հակամարտության վերաբերյալ՝ հրաժարվել են նմանօրինակ միակողմանի ակցիային մասնակցելուց»,- ասել է Հունանյանը:
Նախորդ շաբաթ Ադրբեջանում Ֆրանսիայի եւ Միացյալ Նահանգների դեսպաններն անտեսել էին Ադրբեջանի կառավարության՝ Շուշի այցելելու եւ խորհրդաժողովի մասնակցելու հրավերը: Ադրբեջանի նախագահի օգնական Հիքմեթ Հաջիեւը քննադատել էր նրանց դիրքորոշումը եւ նշել, որ Ֆրանսիայի եւ ԱՄՆ դեսպաններն այլեւս նման հրավերներ չեն ստանալու:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: