Երեւան: Մեդիամաքս: Լիտվայի արտգործնախարար Գաբրիելիուս Լանդսբերգիսն ասել է, որ 21-րդ դարում նորմալ չէ «Ռազմավարների պուրակ» տեսնելը:
Նա այս մասին նշել է Առաջին ալիքի հետ զրուցում՝ անդրադառնալով Բաքվում «Ռազմավարների պուրակի» բացմանը:
Գաբրիելիուս Լանդսբերգիսն նշել է, որ Երեւան այցի ընթացքում իր կարծիքն ասել է Հայաստանի ղեկավարներին, ասելու է նաեւ Բաքու այցի ժամանակ:
«Այցելելու եմ Բաքու եւ նույն կարծիքն եմ հայտնելու: Ոչ մի զոհի նկատմամբ չի կարելի անմարդկային վերաբերմունք դրսեւորել եւ որեւէ բռնություն չպետք է փառաբանվի: Սա սկզբունք է, որին ես հավատարիմ եմ»,- ասել է Լիտվայի արտգործնախարարը:
