Երեւան: Մեդիամաքս: Հայաստանի նախագահ Արմեն Սարգսյանն այսօր մասնավոր այցով մեկնել է Ռուսաստանի մայրաքաղաք Մոսկվա։

Նախագահի մամուլի ծառայությունից հայտնում են, որ «Արմեն Սարգսյանը հանդիպում կունենա Ռուսաստանի հայ համայնքի եւ համայնքային կառույցների մի շարք ներկայացուցիչների հետ, որի ընթացքում կանդրադառնա նաեւ Արցախի շուրջ վերջին զարգացումներին ու Հայաստանում ստեղծված իրավիճակին»: