Երեւան: Մեդիամաքս: ԱԳՆ խոսնակ Տիգրան Բալայանն այսօր «իրականությունից կտրված ցածրորակ գրչակության հերթական օրինակ է» անվանել «Ժողովուրդ» օրաթերթի «Զոհրաբ Մնացականյանը բացահայտ սաբոտաժ է անում» հոդվածը:
«Ժողովուրդ»-ն այսօր, մասնավորապես, գրել էր, որ «Զոհրաբ Մնացականյանը բացահայտ սաբոտաժ է սկսել Նիկոլ Փաշինյանի կառավարության դեմ», նշելով, թե
Դրանում «իր դերակատարությունն ունի նախագահ Արմեն Սարգսյանը. ի վերջո, Զոհրաբ ՄՆացականյանը նրա կադրն է»:
Մեդիամաքսի խնդրանքով մեկնաբանելով հրապարակումը, Տիգրան Բալայանն ասել է.
«Իրականությունից կտրված ցածրորակ գրչակության հերթական օրինակ է, որով փորձ է արվում սաբոտաժի ենթարկել նոր Հայաստանի ձեռքբերումները։ Այն աստիճան հիմարություն է, որ հնարավոր չէ լուրջ մոտեցում ցուցաբերել եւ մեկնաբանել։ ԱԳՆ-ն` նախարար Մնացականյանի գլխավորությամբ շարունակում է վստահորեն իրականացնել իր կարեւոր առաքելությունը, որը, փաստորեն, ընկալելի չէ որոշների համար»:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: